Archive for April, 2016

2016 Outreach planning

 O2A logo
# Datum: 2016 Opsomming van Beplande uitreike Teiken
1 18 Mar – 3 Apr Richtersveld jeug- en gesinsuitreik na Kuboes Kuboesgemeenskap
2 23 Apr – 7 Mei Botswana Ngamiland Winter Warmte-uitreik Versprei klere aan armstes van die armes
3 25 Jun – 16 Jul Botswana Jesus-filmuitreik na afgeleë veeposte  
4 24 Sep 4×4.4Kids gesinsuitstappie met spesiale kinders Met Nissan Off-Road Owners Club @ Wolwekloof
5 3 Des Bless-an-Orphan Kersboom vir Rietfontein weeskinders  
6 10 – 23 Des Bybels-vier-Kersfees Botswana 1,000 Bybeluitreik Sendelinge in Ngamiland en Ghanzi

 

# 2016 Outreach2Africa: Detail van Beplande uitreike
1 18 Mar – 3 Apr Richtersveld jeug- en gesinsuitreik na Kuboes

Gesinne, enkellopendes, studente, tieners. Vakansieprogramme vir en Kuboes met verhoudingsbou, speletjies, poppekas en filmvertonings saans. Die plaaslike bevolking sê Kuboes is die hartland van die Nama-kultuur. Die dorp het sy ontstaan te danke aan die Rheense Sendingkerk wat destyds daar opgerig is. Die mense kon begin kerkgaan en hulle kinders kon geleerdheid kry, terwyl hulle tussen die dorpie en hulle veeposte reis. Vandag is daar werkloosheid en armoede.

 

2 23 Apr – 7 Mei Botswana Ngamiland Winter Warmte-uitreik

Uitreik met 3-ton klere na Ngamiland. Versprei klere versprei en vertoon Jesus Film by afgeleë gemeenskappe en onbereikte veeposte. Uitdagende 4×4 roetes. Rof, buite slaap / tente / kaiyas en baie 4×4-uitdagings tussen die punte.

 

3 25 Jun – 16 Jul Botswana Jesus-filmuitreik na afgeleë veeposte

Reik uit na afgeleë veeposte en onbereikte villages met die Jesus-film op uitdagende 4×4-roetes. Begin by Kokong / !Xaang/ Ranyane / Metsi Mantsu /Tshebiritsheke / Bere/ Xade/ New Xade/ Tshodilo Xung/ Xabatsha / Yobo/ Beetsha / Ghudikwa/ Kasane sokkerveldt/ Gazangulu [Zambia kant.] Rof, buite slaap / tente / kaiyas en baie 4×4-uitdagings tussen die punte. Net vir manne.

 

4 24 Sep 4×4.4Kids gesinsuitstappie met spesiale kinders by Wolwekloof met Nissan Off-Road Owners Club

Met behulp van die viertrek-gemeenskap, neem ‘n groep kinders met spesiale behoeftes (special needs) wat andersins nie die geleentheid sal kry nie, op ‘n 4×4-uitstappie in die natuur en bederf hulle die dag.

 

5 3 Des Bless-an-Orphan Kersboom vir Rietfontein weeskinders

Gesinsuitreik na weeskinders in Rietfontein (150 km vanaf Lephalale/Ellisras), naby die Groblersbrug-grenspos met Botswana. Die uitreik word beplan in samewerking met NG Gemeente Koedesrand. Borge word genader vir Kersgeskenke en eetgoed vir die 120 weeskinders wat deur die Staat by verskillende ouers geplaas is.

 

6 10 –23 Des Bybels-vier-Kersfees | Bibles-4-Christmas Botswana 1,000 Bybeluitreik

Insameling en verspreiding van 1,000 Tswana Bybels na Botswana se Sendelinge in Wes- en Noordwes Ngamiland asook Ghanzi en distrikte se Sendelinge. Ondersteuning van sendelinge as daar behoefte is.

 

    ? Tans nog ‘n Gebedsaak [Opknapondersteuning vir Sendelinge]

Opsie-uitreik: [Gebedsaak… Is dit ék plan of Godsplan ?] 8 – 10 dae

Opknap-ondersteuning vir Sendelinge en heelmaak/regmaak van wat ookal voorkom:

·         Ngarange Kerk bedrading en Huis donkie en storte

·         NxauNxau: Sonpaneel en bedrading en ligte [naaimasjien ?]

·         Blessing: Boorgat, Seronga water [dak oor kleedkamers ?]

·         Sepopa? Jerry Minnie?, Ondersoek Xade & New Xade

 

2015 Outreach planning

 O2A logo  

 

 

 

       
# Datum: 2015 Outreach2Africa: Beplande uitreike Teiken
1 24 Jan – 14 Feb Verkenningsuitreik met Trevor Mathews Botswana
2 25 Mar – 11 Apr Gesinsuitreik Richtersveldt Alexanderbaai, Sanddrift en omgewing
3 26 Apr – 10 Mei Manne alleen Winter Warmte-uitreik Ngamiland en veeposte met 3-ton klere
4 28 Jun – 12 Jul Jeuguitreik na Kalahari Groblershoop en omgewing vir tieners
5 2 – 11 Okt Richtersveldtuitreik vir almal Sanddrift & Kubus vakansieprogram
6 12 – 20 Des Bybels-vier-Kersfees – 1,000 Bybels vir Botswana Sendelinge in Ngamiland en Ghanzi

 

25 March-11 Apr Richtersveldt gesinsuitreik (Noord-Kaap)

25 Maart sal ons pak en laai. Vertrek 26 Maart. Uitreik na Die Ark op Alexanderbaai, moontlik ook na veeposte in die omgewing. Daaglikse uitreike met speletjies en poppekas na die kinders van Sanddrift en filmvertonings saans. Terugkeer op 11 April. Ons motiveer graag gesinne met kinders om deel te neem, want ‘n mens kan met ‘n gewone motor daarheen ry. Ons gaan meestal in tente bly.

 

26 Apr – 10 Mei Ngamiland Winter Warmte-Uitreik (Botswana)

Manne-uitreik met 3-ton klere na Ngamiland. Vertrek 26 April – Terug 10 Mei. Klere versprei en Jesus Film-uitreike na onbereikte veeposte op uitdagende 4×4 roetes. Ondersteuning van Sendelinge en heelmaak/regmaak van hulle se gebreekte goed, hetsy voertuig, stoof, huis … wat ookal voorkom. Een van ons Dominees behoort die een deel te neem. Rof, buite slaap / tente / kaiyas en baie 4×4-uitdagings tussen die punte. Net vir manne.

 

28 Jun – 12 Jul Kalahari jeuguitreik (Noord-Kaap)

Groblershoop en omgewing. Twee weke. Datums sal vasgemaak word saam met Cornelius Bediening. Gemik op ons tieners, met Jeug Dominee en ouerpare om te help met toesig oor tieners. Nota: Kinders onder 12 móét deur ouer / voog vergesel wees … 13 en op kan alleen saamgaan.

 

2 – 11 Okt Richtersveldt Uitreik

Gesinne, enkellopendes, studente, tieners. Vakansieprogramme vir Sanddrift en Kubus met speletjies, poppekas en filmvertonings saans.

 

12 – 20 Bybels-vier-Kersfees | Bibles 4 Christmas

Insameling en verspreiding van 1,000 Tswana Bybels na Botswana se Sendelinge in Wes- en Noordwes Ngamiland asook Ghanzi en distrikte se Sendelinge. Ondersteuning van sendelinge as daar behoefte is.

 

Bybels-vier-Kersfees: Des 2015

21 Des 2015

 

Die Bybels-vier-Kersfeesuitreikgroep het Saterdagaand ‘n baie geseënde uitreik by Tsodilo Hills gehad en by die sewentig Hambukushu Boesmans kon in hulle eie taal die Jesus-film beleef. Mac staan in dankbaarheid, want hy sê hy weet nie waar, in die middel van “niks”, al die mense vandaan gekom het nie. Daar was groot vreugde in menige harte.

 

Die groep is vandag oppad huistoe vanaf Kang en ons wil veral vir Johan Marnewick van Kang Ultra Stop baie, baie dankie sê dat hy hulle (soos talle groepe vantevore) bederf het met gratis verblyf in die lodge. Dis mos makliker om die pad huistoe aan te pak na ‘n goeie bed en bad…

 

Ons bid saam vir die groep se veilige terugreis, dat elke Bybel ‘n seën vir die ontvanger daarvan sal wees en veral vir die sendelinge in Botswana (en sendelinge in ander lande) wat kosbare werk doen.

 

Alle eer aan die Here vir die geleentheid wat ons gehad het om vir Hom te werk. ‘n Opregte dankie aan elke uitreikondersteuner wat deur donasies en gebede hierdie uitreik moontlik gemaak het.

 

Hiermee ons spesiale Kerswense vir jou.

 

God gee vir jou:

Die lig in Kersfees – dit is die geloof.

Die warmte van Kersfees – dit is die liefde.

Die helderheid van Kersfees – dit is reinheid.

Die regverdigheid van Kersfees – dit is Sy geregtigheid.

Die geloof in Kersfees – dit is die waarheid.

Ja, Hy gee vir jou álles van Kersfees – en dit is Christus.

 

-Wilda English-

Bybel by die grens

 

18 Des 2015

Die afgelope twee dae het die groep weer besef dat ‘n mens se planne nie altyd uitwerk nie. Pas nadat ons Donderdag laat weet het hulle vertrek na Shakawe, het Mac ‘n gebedsversoek vir Drikus se gesondheid deurgestuur. Drikus kon nie bestuur of vervoer word nie en die groep het die dag in Seronga gebly. Laat gistermiddag bel Drikus self om  dankie te sê vir die gebede en te laat weet hy voel goed genoeg om Vrydag te ry. Ongelukkig het hy vanoggend weer sleg gevoel en het hulle later as beplan uit Seronga vertrek.

 

Dis ongeveer 100 km vanaf Seronga na die ferry en ‘n mens ry omtrent 2 uur daaraan. Knap na twaalf was hulle by die ferry, maar daar was baie verkeer. Toe dit hulle beurt is, gaan Drikus eerste met sy voertuig of die ferry, want daar is ‘n vragmotor saam met hom, wat beteken Mac kan nie ook met sy voertuig en die sleepwa op die ferry pas nie. Die vragmotor was redelik breed en dié het toe in die middel van die ferry parkeer. Aan die oorkanste oewer breek die vragmotor toe met die afryslag. Die voorwiele is aan land en die agterwiele nog op die ferry. Meer as twee uur later laat weet Mac die ferry is weer aan die gang en hulle is nou volgende in die ry.

 

Die groep het na vyfuur vanmiddag by Jerry & Magda Minny op Shakawe aangekom waar hulle die oorblywende Bybels afgelaai het en vanaand slaap hulle by Willemien le Roux (‘n ware Boesmankenner) wat naby Krokovango Crocodile Farm woon. Hulle beplan DV om môreaand by Tsodilo Hills uit te reik met die Jesus-film in Hambukushu.

 

Ons sê baie dankie aan Reece Terrell van MegaVoice wat vir ons die vorige terugvoerinligting in ‘n video verwerk het. Gaan geniet die beeld by die onderstaande skakel en voel vry om dit met vriende te deel.

 

Youtube link of outreach: https://youtu.be/wEG2Nu6V7_8

 

Ons bid vir elkeen van die groep en veral vir Drikus se gesondheid. Mag elke Bybel ook in hierdie Kersfees die boodskap van Christus vir die mense van Botswana bring.

Vroegoggend op die Okavango_Seronga

 

 

17 Des 2015

 

Die Bybels-vier-Kersfeesgroep het ‘n wonderlike tyd saam met Willie Booyse en Freddie de Waal van Delta Cross Ministries deurgebring op die oewer van die Okavango-Delta in Seronga. Hulle het gaan kyk hoe lyk die kerkie en ‘n paar foto’s geneem sodat ons ook kan “sien” hoe lyk dit waar die kosbare vrag Bybels heen gaan en gereeld vir hulle werk daar kan bid.

 

Hulle het ook die groep van twaalf Amerikaanse jongdames (World Race Team) wat vir Desember by Delta Cross Ministries werksaam is ontmoet en Johan Grobler van MegaVoice kon vir hulle demonstreer hoe die oudio-Bybel werk en verduidelik hoe dit die sendelinge se boodskap ondersteun in ‘n land waar daar nog heelwat ongeletterdheid is.

 

Vandag vertrek die groep DV na Shakawe waar hulle Jerry Minny se Bybels sal oorhandig en na Tsodilo Hills (waar hulle toe nie oppad aangedoen het nie) om die Jesus-film te vertoon. Ons bid dat dit waarlik ‘n geseënde geleentheid vir die Hambukushu-gemeenskap sal wees wat die film in hulle eie taal sal hoor.

 

Nogmaals dankie vir elkeen se ondersteuning wat dit vir die groep moontlik gemaak het om daarheen te gaan en die Bybels uit te deel. Bid asseblief saam vir die groep se veilige reis verder.

Johan & Amerikaners IMG-20151217-WA0005MacJohanWillieIMG-20151217-WA0007SerongaKerkIMG-20151217-WA0000Willie MacIMG-20151217-WA0002Joseph & EstherIMG-20151217-WA0008

 

 

16 Des 2015

 

Die Bybels-vier-Kersfeesgroep het oppad Ds Gawi Joubert se Bybels vir hom afgegee. Ghanzi se gemeente het weer hulle kerksaal beskikbaar gestel vir die uitreikgroep se oorslaap en Ds Albertus het by hulle kom oogwys.

 

Net buite Ghanzi het hulle Bybels afgelewer by D’Kar se Boesmangemeenskap waar hulle heerlik met Hessel gekuier het. Langs pad het hulle ook by Leon Zeilinga van Love the World Missions oorgeslaap en Dinsdagmiddag het hulle in Seronga aangekom waar Willie Booyse van Delta Cross Ministries en Freddie hulle Bybels ontvang het.

 

Die groep laat weet dat dit baie goed met hulle gaan. Dankie dat jou gebede dit vir hulle moontlik maak om hierdie taak uit te voer. Alle eer aan God wat bereid is om mense te gebruik om die Woord te versprei.

 

Ons bid die groep seën toe op hulle reis verder.

 

Jerry Shakawe by gemeentelede

 

13 Des 2015

 

Danksy jou bydrae, hetsy deur gebed, finansiële ondersteuning, skenking of bemoediging, is die Bybels-vier-Kersfees (B4K) uitreik in volle swang. Die groep het Saterdag na Botswana vertrek, hulle het veilig gereis en ‘n probleemvrye grensoorgang gehad. Dankie vir elkeen wat saam met ons hiervoor gebid het. Gisteraand het hulle in Lobatse by Len van Onselen van Word to Africa Botswana oornag. Sondag pak hulle die pad via Kang na Ghanzi aan en van daar tot by Seronga op die Okavango-Delta. Langs pad sal hulle DV aandoen by:

  • Ds Gawi en Dina Joubert op Xanagas.
  • Leon en Annatjie Zeilinga van Love the World Missions op Sepupa.
  • Jerry en Magda Minny van Shakawe.
  • Willie en Estelle Booyse van Delta Cross Ministries.

 

Ons bid vir groot seën op die werk wat hierdie sendelinge in Botswana doen asook dat elke Bybel, CD en oudio-Bybel by die regte persoon sal uitkom.

 

FB_IMG_1449636778509FB_IMG_1449636784243

IMG_0014IMG-20151212-WA0006

Richtersvelduitreik: Kuboes en veeposte 18 Maart – 3 April 2016

Uitreikterugvoer03: Richtersveld 1 April 2016

 

Die span het Donderdag die Kuboes-gedeelte van die uitreik afgesluit, terwyl Mac-hulle nog ‘n paar veewagters gaan soek het. Mac laat weet oor die Prado dat die “filler” nek nog ongelyk is. Hulle kan dit nie verder buig nie, want dan sluit die prop ook nie meer behoorlik nie. Dus, hou hulle maar die watervlakke dop.

 

Ons glo dat die Here die saad wat die uitreikgroep in Kuboes en omgewing in gehoorsaamheid gesaai het, sal laat groei en dat Sy Gees elke dag met Kuboes en sy mense sal wees. Donderdag se veeposuitreik het net dors diere opgelewer. Hulle uitreik vir die dag was dus om oral die stomme diere by die veeposte water te gee…

 

Vrydagoggend het die groep na die Richtersveldpark vertrek en hulle gaan ‘n dag of twee vanaf Potjiespram-kampplek na die veewagters in die Park uitreik. Mac se hart vir die veewagters is aangewakker deur Pieter van Wyk van Alexanderbaai wat ons in 2009 ontmoet het. Pieter het destyds begin met ‘n MaksieMan-groep wat uitreike na die veeposte onderneem het. Destyds het Pieter vir ons gesê: “Die mense in die Richtersveld se harte is opreg. Daar is ‘n paar duisend mense in die Richtersveld wat nie van die Here weet nie. 90% van die mense wat vee oppas, pas nie hulle eie vee op nie. Die mense stuur hulle geld vir die families. Die res van die maand eet hulle sleg. Die Here het daardie mense baie lief. Die Here het gesê ons moet die mense gaan vertel van Sy Liefde.”

 

Ons bid vir hierdie finale gedeelte van die uitreik en dat die groep werklik die Here se Vaderhart aan die veewagters kan oordra. Drikus en Sally vertrek van hier af via Namibië na Botswana waar hulle DV by Mac en die WinterWarmte-uitreik in Botswana (23 Apr – 7 Mei 2016) sal aansluit. Ons bid hulle ‘n veilige reis toe en ook gelukwense met hulle 40ste huweliksherdenking wat hulle oppad gaan vier. Frans, Bernice, Simoné en Ryan is oppad terug na Groblershoop en ons bid ook vir seën op hulle bediening (gaan kyk gerus na hulle webblad: Sonstraaltjies vir Jesus Cornelius Kinderbediening). Mac en Francois sal die pad vat wanneer hulle gereed is en ons bid ook vir ‘n veilige rit vir hulle.

 

Nogmaals dankie dat jy deel was van hierdie Richtersveld: Kuboes-uitreik en dat jy dit vir die span moontlik gemaak het, hetsy deur finansiële ondersteuning, motorherstelwerk, raad, bemoedigende boodskappe en veral gebed hulle werk aan ons Vader opgedra het. Ons is die Here dankbaar vir elke uitreik wat ons “saam met jou” kan onderneem.

601 Kleingroepie met Frans603 Dromme vol water_niks in diere se bakke606 Katte sonder water605 Windpomp sonder blaaie604 Veewagtershuisie in Die Sand weigebied607 Berge wink302 Kuboes Slaapplek Mac&Francois300b Drikus se blyplek

 

Uitreikterugvoer02: Richtersveld 26 Maart 2016

 

Dit gaan baie goed met die groep en die daaglikse interaksie met die kinders van Kuboes is baie geseënd. Ons is ook baie dankbaar dat die Prado nie meer probleme gee nie. Dankie vir almal wat Woensdag saam met ons gebid het toe Mac die motor na Weskus Verkoelers in Springbok geneem het en veral vir Johann Lemmer wat Mac daar bygestaan het. Die probleem was glo die filternek van die verkoeler wat beskadig was. ‘n Bietjie timmerwerk en skuurwerk later, lyk dit of alles nou reg is.

 

Die groep kamp op die AGS Gemeente se kerkterrein (daar is krag, maar nie water nie). Hulle ontmoet toe vir Daniel, die selfgemaakte koster. Daagliks sorg hy dat hulle water het wat hy met ‘n kruiwa en ‘n klomp twee-liter bottels aanry vir die toilette se spoel. En hy vee en kom hoor gereeld of hulle “oraait” is.

 

Bedags leer die kleiner kinders by Bernice die Kleure van Geloof aan die hand van die landsvlag en daarvoor moet sy en Sally genoeg vlaggies uitknip. Goud is… God is Koning. Swart is ons sonde se vuil. Rooi is Jesus se bloed vir ons. Wit – ons is skoon gewas deur Sy bloed. Groen is die groei wat ons moet doen in ons lewe vir Jesus. En blou is die wederkoms… uit die hemel kom Hy weer. In die midddae leer die groter kinders by Frans van die Vrugte van die Gees.

 

Van die manne het die afgelope twee dae veewagters gaan soek. Gister vind Mac en Drikus toe ‘n Omie van 89 wat in ‘n karavaan bly. Hy kan skaars sien. Sy heup is uit potjie, maar hy werk as veewagter vir sy dogter en vrou se troppie vee. Hy sien baie swak, maar danksy ‘n skenking van die NG Kemptonpark-Oos se dames en kuierhoekie, kon hulle vir die Omie ‘n splinternuwe groot druk Bybel gee. Mac vergeet toe sy hoed daar. Toe hulle ‘n uur later daar aankom, sit die Omie op sy bedjie… en Bybel lees.

 

Kuboes is ‘n arm dorp met baie werkloosheid en maatskaplike probleme, soos meeste van die dorpe in die omgewing. Hulle ervaar dat daar ‘n swaar, drukkende atmosfeer in die hele Kuboes heers en vra dat ons asseblief vir die dorp, sy mense en die uitreik na die gemeenskap sal bid.

 

Vandag (Sondag) het die groep die kerkdiens by die Koinonia Volle Evangelie Kerk in Alexanderbaai gaan bywoon en neem hulle die res van die dag ‘n blaaskans. Die uitreikspan van Ayoba (wat die Sanddrift-uitreik oorgeneem het) het by die Oranje-riviermonding by die Kuboesgroep aangesluit vir die rusdag. Ons bid vir beide spanne vir seën op hulle werk en dat Jesus deurgaans die middelpunt van alles sal bly.

 

501_Alex503_Alex416 Veeposte kry412 Veeposte kry oom 89411 Veeposte soek410 Veeposte soek

 

Uitreikterugvoer01: Richtersveld 22 Maart 2016

 

Beste Uitreikondersteuner

 

Die Gauteng-groep het Vrydag 18 Maart 2016 vertrek en die aand in Groblershoop by die Cornelius-bediening aangesluit. Vanweë die Prado se nukke het hulle eers Maandag na Kuboes vertrek, maar daarteen besluit om in die donker daarheen te ry. Laatmiddag het Johann Lemmer, (wat in 2010 deel van die uitreikspan was) hulle bederf met ‘n heerlike ete. Dankie Pastoor Wiggett van die VGK Alexanderbaai dat die span saam met Johan in jou huis in Port Nolloth kon oorslaap. Dinsdagaand slaap die groep DV in die AGS Kerkgebou in Kuboes.

 

Mac skryf: Sovêr… die Prado verloor water maar word nie warm. Het op Upington ‘n radiatorcap gekoop en vervang. Dit help baie.

Drikus se kar het te veel olie in en hy wou bietjie aftap. Toe maak hy die sump met warm olie oop… en verbrand sy hand.

Maar te veel olie uitgetap.. nou het hy eers weer omgedraai dorp toe om te gaan olie koop.

Sally het sy hand gedokter.

Ons bid vir sy hand.

Johann Lemmer het gereël dat ons in Port Nolloth in Carel Wiggett se huis slaap vanaand . Dan vroeg vroeg more oggend Khuboes toe…

Uiteeeeiiiiindelik ????

Die spangees is fantasties en ons lag nog saam.

Dankie Here vir padgenade.

RichtersveldMar2016 SpanRichtersveldMar2016 Poppekas313 Kuboes Spanwerk304 Kuboes Groep met Simoné303 Kuboes groep met Ryan305 Kuboes Kids Games300 Kuboes dorp