Outreach2Africa

Archive for the ‘2013 Missionary support’ Category

Vriende, Pelle, Preerkante en ander:

Soos jy kan sien in Willie se skrywe – die LandRammel het hom nou deeglik in die steek gelaat.
Ek sou bitter graag vir Willie n nuwe ryding besorg om die Evangelie daar anderkant die Okavango uit te brei .. maar op die korttermyn is die nood om die LandRammel aan die gang te kry.
Ek en Willie het saamgepraat – en is in ooreenstemming dat n ingevoerde enjin uit Japan die beste oplossing is vir korttermyn [korttermyn is so 2 jaar]
Waarna ons vertrou om n nuut of amper nuut voertuig vir Delta Cross Ministries te kan besorg.
MET jou hulp, want ons sal moet insamel dat dit … klap
Teiken een is R20,000. om die enjin vervang te kry.
Dankie dat jy saam is in die span.
Mac

WILLIE SKRYF:
Groete in JESUS!

Ons is veilig tuis nadat ons die tweeling, Arista en Karlien, in Kathu
agter gelos het, waar hul as Apteek Assistent begin werk het. Dit was
nie maklik nie en die emosies wil wil oorneem, maar ons weet dat hulle
veilig is in die HERE se hande en dan is hulle tussen wonderlike
vriende van ons, wat help om ‘n ogie te hou. Die terug kom het ook nie
so goed afgeloop nie, ons Land Rover se engine het op Ghantsi opgepak
en ons moes dit daar by vriende los. Prys die HERE dat tussen ons
Ghantsi en Shakawe vriende is daar planne gemaak en ons is veilig
tuis. Die pad is natuurlik ‘n nagmerrie, want dit reen baie hier in
die Delta. Bid saam met ons dat daar ook vir die probleem met ons
Landy ‘n uitkoms sal wees.

Ons sien uit na die nuwejaar en al sy uitdagings en bid dat die HERE
ons so sal gebruik dat ons in baie mense se lewens ‘n verskil sal
maak.

Mag julle ‘n wonderlike en voorspoedige nuwejaar beleef en mag jul
getroue getuienisse wees vir JESUS in 2014.

Shalom!
Willie, Estelle en Simone.

Terugvoer na maande: Ons het deur OutreachAfrica en twee van die manne hier op 4x4Community Forum so byna R7000 ingesamel gekry vir Willie se voertuig krisisse – En ons het die parte soos bestel vir hom betaal en die balans na hulle bankrekening oorgeplaas.

Alles bly verkeerd loop vir die arme Willie en gister e-pos hy:

Groete Oompie,

Dit gaan goed ten spyte van al die voertuig probleme. Ons was Dinsdag by die Dr in Ghantsi en my hart loop nog mooi. Arista moet egter gaan vir ekg toetse, was nie krag in Ghantsi om dit te doen nie, dr Riaan het ‘n onreelmatige hartritme opgetel en alhoewel hy nie bekommerd is nie, wil hy net doodseker maak dat sy ok is.

Ek wil net almal bedank wat bygedra het om ons te help om die voertuie op die pad te kry, ons waardeer dit baie, want sonder vervoer is ons gestrand en kan ons nie die HERE se werk doen nie, moet hoeka al ‘n draai in Gudigwa gemaak het met die Evangelisasiespan, maar moes dit vir eers uitstel. Weereens baie dankie. Ons hoop om spoedig al die nodige parte te bekom. Ek kon darem vir Steve ‘n bydrae gee vir sy werk, ongelukkig het hy verhuis.

Mag almal geseën word!

Shalom!

en dan volg hy dit op met die probleem soos dit nou nog is :

Goeie naand almal!

Die duiwel wil ons maar net nie uitlos nie en dis veral ons voertuie wat ‘n probleem bly.

Soos julle weet is dit nou al amper 3 maande wat ons sukkel om die probleme met die Land Rover en die Isuzu op te los. Eers het ons parte vir die Land Rover se ratkas probleme bestel wat toe volgens Steve die werktuigkundige nie dit was wat hy bestel het nie en moes ons dit terugstuur, nou sukkel ons om die parte in die hande te kry. Met die Isuzu gaan dit nie veel beter nie, het die tydratte en die “Cylinder head gasket” gekry, net om uit te vind dat die “valves” gebuig is en daar van die “valve guides” vervang moet word. Ongelukkig kan ons nie “valves en valve guides” in die hande kry hier in Botswana of naby gelee dorpe in Namibie nie.

In tussen het Francois Malan ons gehelp met ‘n 4×4, 2.2 Toyota Hilux bakkie, waaroor ons baie dankbaar is, maar het agter gekom dat dit baie olie lek en nou moet ons eers die agterste “crank shaft” olie seel moet vervang, wat nogal ‘n groot werk is, want ons moet die ratkas en die “flywheel” uithaal om by die seel uit te kom en met ons beperkte kennis wil ons nie ‘n kans waag om dit hier in die bos te doen nie. Ons gebruik nog die Toyota, moet net gereeld olie ingooi, 2L op 800KM. Steve het in die tussen tyd verhuis na Katima Mulilo in Namibie toe.

Ons vra dat julle saam met ons oor al die probleme sal bid vir ingryping van BO, sodat ons hierdie probleme ook sal oorkom. Ons besef dis ‘n toets wat ons moet deurgaan, maar kan net met behulp van almal se gebede deurdruk.

Shalom!

Hi julle

So baie dankie vir alle boodskappe. Ek is tans besig om die plaaslike kennis van bome by ons te leer, skryf alles neer. Verder het ek al laas jaar ontdek dat die afrika aartapel wild by ons groei, dink daaraan om dit aan te plant vir gebruik.

Vertrou dit gaan baie goed met julle en dat almal gesond is. Bid vir julle, dat Jesus julle bediening gelooflik sal seën. Geniet julle webblad.

Ek gaan hierdie jaar ‘n tree trail maak op ons basis, het al klaar die bome gemerk, sukkel egter nog net met sommige spesies omdat hulle tot op hede nog nie vrugte of blomme gemaak het nie. Ek het genadiglik ‘n kontak by die Botaniese tuine van Namibië wat kan help met benaming van die boome, maar ek moet alle inligting van die boom hê om dit te vergemaklik.

Verder bly dit ‘n reuse stryd om mense te stop om bome af te kap op ons perseel. Verlede week het ‘n oom ‘n hele stuk van ons veld skoongekap, dis vreeslik om te dink dis alweer 4 jaar se groei wat verlore is in ‘n uur. Weet nie wat om te doen dat die mense stop nie. Ek het al 22 spesies op ons perseel gemerk, net te dink dit het natuurlik terug gekom. Verder begin plant ek ook saailinge van bome wat elders in die land voorkom, miskien word dit nog ‘n botaniese tuin van Angola, nie onmoontlik.

Ek beplan ook om sodra ons terug kom in Mei van Luanda kinders van die JEGA skool op ‘n uitstappie te bring na ons perseel en hulle te leer oor die plaaslike gebruike en name van bome aangesien die kultuur in die stede besig is om uit te sterf en dit gebruik om verhouding te bou met die kinders en te deel oor God se skepping.

Ek het in Januarie positief gevoel om te begin soek vir ‘n uitgewer omdat ek nooit self sal kan bekostig om my boek oor die Richtersveld te druk nie. UMDAUS Press en Briza het belangsteling getoon. Ek voel positief oor Briza. Ek het ‘n manuskrip en die foto’s van die boek klaar vir hulle gestuur nadat hulle aangevra het daarvoor. Bid saam met my dat hulle eerlik en oop sal wees met my en ook dat hulle spoedig sal terugkom, is nou al vir twee weke stil, so ek weet nie of hulle al die manuskrip ontvang het nie, daar was ‘n vertraging met die pos as gevolg van die stakings.

Verder ervaar ek sterk in my hart om klaar te maak met die Tiago se skool, bid saam hiervoor. Ek het gisteraand met oom Wessel gepraat oor my hart om tussen ‘n groep onbereikte mense te gaan woon. Op die stadium as ek voort met dit wil gaan, moet ek eers vir twee maande opleiding in Zambia gaan of vir ses maande op die African trackt waar daar in verskeie lande saam met sendelinge gewerk word, OM se vereistes. Weet nog nie watter een nie, vertrou Jesus om my te wys.

As ek dan klaar die opleiding gedoen het gaan ek kyk of die Here ‘n deur oopmaak in Angola om by die Boesmans te bly, dit sal ‘n reuse en moelike aanpassing wees, maar dit is wat ek graag wil doen. Indien die Here nie ‘n deur oopmaak om dit te doen in Angola gaan ek Namibië toe gaan, ek het klaar ‘n geleentheid om by ‘n sendingbasis daar aan te sluit wat woon tussen ‘n klein gemeenskapie langs die Okovango rivier, hulle is nog in ‘n erge pioniers stadium.

Vertrou saam met my vir leiding van die Heilige Gees hiervoor. Dit gaan ook beteken dat ek my hele finansies self moet dra en dokumentasie. Ons is tans besig hierdie week met die proses om my werkspermit aansoek in te handig wat dan geldig is vir ‘n jaar, bid groot asseblief dat Vader ‘n wonderwerk sal doen rondom dit.

Ons ry die einde van die week Luanda toe. Tanie Joan moet daar wees vir opleiding en Tiago gaan sokker speel. Ek maak die week klaar met Feliciana, dis die meisie wat verlam is, ons doen alles saam met die mond. Ek vertrou ook vir Jesus om te wys hoe verder en watter kuns en Engelse lesse ek met haar moet doen. Bid vir haar, haar pa het teruggekom van die Kongo en ons het vinnig agtergekom hy drink erg en is moontlik aggresief met die kinders.

Baie seën en liefde vir julle.

Pieter

Hi almal, vertrou in Jesus dat dit goed gaan. Hier by ons gaan dit eendag goed en die ander moeilik. Ons as ‘n span gaan vanaand saam die aangesig van die Here soek vir beskerming teen erge onlangse inbrake. Vertrou saam met ons dat Jesus in die lig sal bring wat aangaan. Verder gaan ons op die oomblik volgende week Donderdag Luanda toe tot einde April.

Blessings.

Pieter Van Wyk