Outreach2Africa

Archive for the ‘Outreach feedback’ Category

Uitreikterugvoer: Augrabies na Alexanderbaai 26 Maart 2013

Die uitreikgroep dra hulle groete oor aan die gebedsondersteuners. Hulle het Augrabies geniet en Mac se spesiale oomblik was om Jean en Leorna daar te ontmoet en tyd saam met hulle te spandeer.

By die Groot Melkboom op die Namakwa 4×4-roete het hulle tyd gehad om die wonder van die natuur te beleef en in die Oranjerivier te was! By Vioolsdrift se kampterrein het die bestuurder ‘n ruim afslag vir die kampgroep bewillig waaroor hulle baie dankbaar was. Hulle werk lekker saam as ‘n span en almal is in goeie gees.

Vandag is die groep DV oppad na Alexanderbaai en hulle wil nou reeds baie dankie sê aan Carel en Estelle Wiggett van die Koinonia Volle Evangeliekerk wat daar hulle huis vir die volgende paar dae vir die uitreikgroep beskikbaar stel. “Die Ark” is ‘n projek op Alexanderbaai wat onder die jeug werk en wonderlike werk doen. Mac se droom is dat elke gemeenskap in die omgewing op ‘n soortgelyke manier die jeug sal betrek om hulle met die Woord te bedien en te help om hulle in die middae sinvol besig te hou.

Die groep vra asseblief voorbidding vir die daaglikse uitreike na omliggende gemeenskappe en die Jesus-filmvertonings wat hulle vir die volgende week beplan. Dankie dat jy deur jou gebede deel is van die groter Plan om die Woord te verkondig tot aan die uithoeke van die wêreld.

Taking the Gospel to people in places where others will not dare!

Die uitreik na die Richtersveld se roete was na:
Augrabies
Namakwa 4×4-reote
Alexanderbaai
Sanddrift
Richtersveldpark

Vanweë die nood in Goodhouse, beplan die uitreikgroep om DV Sondagaand 24 Maart 2013, die Jesus-film daar te vertoon. Bid asseblief saam met ons dat hulle by die regte mense sal uitkom vir vir ontvanklike harte.

Munisipaliteit sny boere se lewensaar af

peet van aardt Goodhouse

Vier jaar nadat die regering se peperduur paprika-boerdery-projek in Goodhouse platgeval het, kon ’n handjievol boere darem ’n sukses van dié skande maak. Maar nou word hul planne ook doodgewurg deur die munisipaliteit, wat beveel het dat hul water afgesny word.

Die Noord-Kaapse regering het die Goodhouse-projek in 2003 begin. Altesame 55 bruin boere is elkeen 10 ha grond gegee om paprika te verbou. ’n Besproeiingstelsel van R80 miljoen is geïnstalleer en ’n paprikafabriek van R55 miljoen is gebou. Maar agt maande later het die hele projek platgeval en die plaasgemeenskap was geruïneer.

Kenners meen die owerheid het nie in ag geneem dat paprika, wat ’n temperatuur van onder 32°C vereis, nie in dié gebied (waar die temperatuur tot bo 50°C styg) sal aard nie. Goodhouse het verval in ’n vergete plato van stof en gebreekte trekkers. Plakkers het ingetrek.

’n Paar boere het vasgebyt en die pompstasies benut wat opgerig is. Hul plase het gefloreer.

Maar nou, vier jaar later, vrees hulle vir hul voortbestaan. Die Nama Khoi-munisipaliteit het Eskom die afgelope week opdrag gegee om die kragtoevoer na die waterpompe af te sny. Volgens dié opdrag, wat in Rapport se besit is, word die elektrisiteit nie gebruik nie. Daarby meen die munisipaliteit die gebruik van die waterpompe is ’n verkwisting van geld.

Mnr. Victor Hayes (57) is ’n sakeman van Springbok wat ingespring het om die boere langs die Garieprivier te help. “Die boere werk hard en doen wat hulle veronderstel is om te doen. Maar nou gaan hul water afgesny word. Hoe gaan hulle oorleef?” vra hy. Hayes het 10 ha skoongemaak van doringbome sodat die grond beplant kan word en ook op eie koste draad gespan om van die boere se grond. “Dit is nie reg nie. Hoe moet ons nou maak?” vra mnr. Fanie Schoeman (63), een van die boere.

Hy boer al 23 jaar op die grond en was destyds verheug oor die Goodhouse-projek.

“Maar selfs nadat dit misluk het, het ons moed gehou en aangegaan. Sny hulle nou ons water af, sny hul ons kele ook af,” sê hy. Hy boer met mango’s en lusern. Sy vrou, Reneé, bestuur ’n winkeltjie op hul plaas.

Nóg ’n veteraanboer, mnr. Abraham van Wyk (70), is moedeloos. “Het ek nou al daai jare gemors? As die owerhede ons water afsny, maak hulle ons dood.” Die boere krap kop oor al die miljoene rande wat in die projek gestort is.

“Ons sien niks van die geld nie,” sê mnr. Piet Cloete (54). “Die doel van die projek was juis om ons boere te help. Hoe kan die munisipaliteit toelaat dat alles net doodloop?

“Die regering praat van 13 jaar se demokrasie. Maar hiervan het ons nog niks geproe nie. Ons as boere wil vir onsself kan sorg, maar hulle sny ons hande af,” sê hy. )?Die Nama Khoi-munisipaliteit wou nie kommentaar lewer oor die saak nie.

peet.vanaardt@rapport.co.za

Onderskrif: Vier jaar nadat die peperduur Goodhouse-projek doodgeloop het, het ’n handjievol boere ’n sukses van dié mislukking gemaak. Maar nou wil die munisipaliteit hul water afsny. Van links is mnre. Samuel Cloete, Fanie Schoeman en Victor Hayes. Foto: steve eggington

Richtersvelduitreik: Augrabies via Pella na Goodhouse

Die uitreikgroep laat weet dat hulle ‘n heerlike dag in Augrabies deurgebring het en mekaar beter leer ken het. Hulle vertrek DV Sondag 24 Maart na Pella waar hulle permitte gaan kry om die Namakwa 4×4-roete te gebruik. Die roete is 642km lank en strek vanaf Pella al langs die Oranjerivier tot by Alexanderbaai.

Die groep vra asseblief voorbidding vir hulle beplande oorslaap in Goodhouse, dat hulle by die regte menses sal uitkom en veral vir Sondagaand wanneer hulle die Jesus-film vir die gemeenskap wil vertoon. Goodhouse het in 2007 mediadekking geniet vanweë die armoede wat daar heers.

Vir die volgende paar dae op die 4×4-roete beplan die groep om by gemeenskappe aan te doen en saans die Jesus-film by hierdie mense te vertoon wat baie selde Woordbediening ontvang.

Die toerisme-kantoor beskryf die roete as volg: The Namaqua 4×4 Route gives you access to some of South Africa’s most beautiful semi-desert regions. The entire route passes through an isolated desert landscape believed to be home to the richest diversity of succulent plants in the world. Rugged kloofs, high mountains and dramatic landscapes that sweep away inland from the Orange River divulge the fact that you are now in the vast mountain desert.

Dankie dat ons weet jy bid saam met die groep vir ‘n veilige reis in hierdie redelike onbewoonde gebied.

Uitreikgroete

Richtersvelduitreik Pak & Laai 21 Mar 2013

Die uitreikgroep van 13 (bestaande uit 5 volwassenes, 4 dogters en 4 seuns) het op Menseregtedag die voertuie en sleepwaens gepak en het om 05:00 op 22 Maart 2013 na die Richtersveld vertrek.

Oppad gaan hulle DV by Augrabieswatervalle oorslaap. Dan gaan hulle vir ‘n paar dae die Namakwa 4×4-roete volg en daarna vanaf Alexanderbaai as basis die gemeenskappe bedien en die Jesus-film vertoon.

Voordat hulle terugkeer, slaap hulle eers oor in die Richtersveldpark.

Dankie dat jy tot 6 Apr 2013 saam met ons bid vir hulle uitreikwerk en veiligheid.

Beste Uitreikondersteuner

Die eerste uitreik vir 2013 word beplan DV vir die komende skoolvakansie na die pragtige Richtersveld. Hierdie is ‘n unieke geleentheid om een van die mooiste dele van ons land te sien en naby aan jou Skepper te kom. Die uitreik is gemik op gesinne, maar baba en Oupa en Ouma kan ook saamgaan. Jy hoef nie ‘n viertrekvoertuig te hê om saam te gaan nie, en die bediening is hoofsaaklik in Afrikaans!

Ons plaas binnekort ‘n inligtingstuk. Deel dit gerus met jou vriende of familie wat dalk nog altyd die Noord-Kaap wou sien, maar nie kans gesien het om alleen daarheen te reis nie. Dankie ook by voorbaat vir jou gebedsondersteuning dat die Here die regte mense sal aanraak om saam te kom, vir die mense van die Richtersveld vir ontvanklike harte en veral dat alles binne die Here se Wil sal geskied.

Uitreikgroete
mac & amanda

“A congregation that is not deeply and earnestly involved in the worldwide proclamation of the Gospel does not understand the nature of salvation.” Ted Engstrom – ‘World Vision’

Inligtingstuk: Richtersveld-gesinsuitreik 2013

Uitreikteks: Rom. 10:11-15
Die Skrif sê tog: “Niemand wat in Hom glo, sal teleurgestel word nie.” – “Niemand nie!” Dit maak dus geen verskil of ‘n mens ‘n Jood of ‘n Griek is nie, want dieselfde Here is Here van almal, en Hy seën almal wat Hom aanroep, ryklik, want elkeen wat die Naam van die Here aanroep, sal gered word. Maar hoe kan ‘n mens Hom aanroep as jy nie in Hom glo nie? En hoe kan jy in Hom glo as jy nie van Hom gehoor het nie? En hoe kan jy van Hom hoor sonder iemand wat preek? En hoe kan iemand preek as hy nie gestuur is nie? Daar staan ook geskrywe: “Hoe wonderlik klink die voetstappe van dié wat die goeie boodskap bring.”

“God had an only Son, and He made Him a Missionary” – David Livingstone

Richtersvelduitreik: 22 Maart tot 6 April 2013]

Uitreikdatums
Pak en Laai: Donderdag 21 Maart 2013 [Menseregtedag]
Vertrek: Vrydag 22 Maart
Terugkeer: 6 April 2013

Kort en kragtig
Jy HOEF nie ‘n 4×4 te hê om op die uitreik saam te gaan nie. Daar sal wel 4x4e wees om die ruwe paaie in die Park aan te pak.

Dit is ‘n GESINSUITREIK en van babas tot stok-ou mense kan saamgaan [ek val onder laasgenoemde?]. MAAR ons beroep spesiaal op tienerjeug en jongmense/studente om hand op te steek en ‘n verskil te gaan maak.

Elkeen is verantwoordelik vir skep en inwin van eie borge en bydraes tot die uitreik. Bydraes wat per deurkollekte en spesifiek vir die uitreik ontvang word sal aangewend word vir Bybels, uitreiktoerusting/benodigdhede en brandstof. Kos en verblyf is vir elkeen se eie rekening, na gelang van borge en bydreas wat ons ontvang.

Jy is deel van die uitreik – of jy saamgaan of nie. Ons beroep op almal se gebedsdekking vir die uitreik. Hou dit ook in jou hart en gedagte om persone wat wil saamgaan en nie die fondse het nie, te help met ‘n bydrae. As jy graag wil saamgaan: Gee jou naam en besonderhede by die Kerkkantoor op, sodat ons een sentrale punt het waar alles bymekaar gevat word – teen 11 Maart 2013, ASSEBLIEF.

Sodra ek bevestiging het van wie gaan, sal ek diegene van ‘n “PAKLYS” (riglyne) asook “Spares to carry”-lys voorsien. (Die Landy en Toy ouens se lyste sal langer wees ?.)

Ek sien uit na hierdie uitreik saam met elkeen vir wie Jesus aan die hart raak om saam te gaan. Moenie dat ‘n gebrek aan fondse jou terughou nie – praat met ons…

Seënbede en groete,

Mac Mc Menamin: e-pos = Outreach2Africa@gmail.com Selkontak: 082 699 3055

En daarmee kom die oproep – om te gaan, om uit te reik en te vertel en te getuig. Sodat elkeen wat GLO sal wèèt dat hulle Glo. En dié wat nog nie weet nie ook sal weet.

Ons gaan onbekende en bekende gebiede in. Ons gaan slegte, slegter en slegste paaie aandurf. Ons gaan. Maar jou gebed en jou bydrae maak die groot verskil. Hoeveel bydra? Soos wat jou hart sê. Die bedoeling is dat elkeen wat gaan ‘n “borg” moet hê, dat hy/sy sal wèèt hy/sy is gestuur en dus nie met eie geld/fondse sal gaan nie. Die werk van die borg is om vir die geborgde tydens die uitreik te bid.

Dankie vir jou tyd en gesindheid. Bydraes kan deur die NG Gemeente Pretoria-Garsfontein se rekening gemaak word. Ek sal opreg waardeer as jy my ook net sal laat weet (dit maak die begroting makliker as ek ook weet wat ons het en wat nog kort). Daar is ook ‘n spesiale uitreikrekening wat ons vir uitreike geskep het, as jy voel om liewer daarlangs by te dra. Die kontrole bly daar maar die admin is minder.

Bankbesonderhede vir Bydraes
Kerk se bankbesonderhede is soos volg:

Bank: ABSA
Tak: —
Rek Nr.: 0260581007
Takkode: —

Onthou om die verwysing
“Richtersveldt13”
in te sit anders gaan die kerkkantoor nie weet wie of waarvoor die inbetaling bedoel was nie!
www.ngkpo.co.za/ Uitreikkontak
Ds Johan Barnard

NG Gemeente
Kempton Park Oos

Tel: 011 979 1413/5
e-pos: NGKPO.Admin@Telkomsa.net

OutreachAfrica-bydraes
Ons is ‘n nie-winsgewende organisasie (Non-Profit Organisation – NPO) wat uitsluitlik geregistreer is om Uitreikwerk te ondersteun:

Bank: Standard Bank
Tak: Castle Walk
Tipe: Spaar
Takkode: 01 46 45
Rekening nr: 415214742

Outreach2Africa@gmail.com

Wanneer, Wat, Waar en Hoe?

In kort …
Wannneer
Vetrekdatum: Pak-en-laai datum = 21 Maart. [Almal betrokke asb]
Vertrek: 04:30 22 Maart 2013
Terugkeerdatums: 6 April 2013

Wat
Die doel van die uitreik is om ‘n GESINSUITREIK te begin wat die gemeenskappe van die Richtersveldt op ‘n jaarlikse herhalende basis kan bedien. Twee doelwitte word nagestreef:
• Die hoofuitreik sal na die Sanddrift-gemeenskap wees. Hierdie gemeenskap is arm gelaat nadat die diamantmynbedrywighede ‘n paar jaar gelede gestaak is. Ons wil graag ‘n Jeugaksie daar begin wat selfonderhoudend kan voortgaan. Die doel hiervan is om die kinders buite skoolure besig te hou en op hierdie manier die ledige ure waarin dwelmmisbruik en verwante euwels plaasvind te verminder, deur Christengebaseerde opleiding en aktiwiteite aan te bied.

• Ons wil ook met die Jesus-film uitreik na gemeenskappe in die Richtersveld (Kubus, Eksteenfontein, Vioolsdrif, Alexanderbaai en natuurlik Sanddrift). Die mans met 4×4-voertuie sal verafgeleë veeposte gaan verken om daar die Woord aan die veewagters te versprei.

Waar
Ons gaan in twee groepe verdeel:

Groep Teerpad
• Die wat nie kans sien vir die berge nie – gaan hoofsaaklik met die Sanddrift-gemeenskap skakel. In Alexanderbaai skakel ons in by die aktiwiteite van Die Ark ten opsigte van Jeug- en Tienerbediening. Daar is ook behoefte vir ‘n uitreik na Eksteenfontein, Kubus en Sendelingsdrift.

Groep 4×4
Ons gaan uitreik na die Richtersveldtse veeposte en ook konsentreer op die Sanddrift-gemeenskap in samewerking met die NG Gemeente van Alexanderbaai asook die Koinonia Volle Evangelie gemeente van Alexanderbaai. Die omvang van so ‘n langtermynuitreik is wyer as wat ek in ‘n n paragraaf of twee kan uitstip, maar dit sluit in: Voedselsekerheid, “home based business” en entrepreneurskap, kindersorg en Woordebedienig aan die kinders, Bybelverspreiding, stig van Bybelstudiegroepe en Omgeegroepe [Klein Groepe / Sel Groepe]… en natuurlik, waar ek maar gaan, reik ons ook uit deur middel van die Jesus-film en veral uitreike in die Richtersveldt-dorpies gaan ons hieraan wy.

Hoe
Ons gaan met gewone padvoertuie [kombi /Bussies sal idiaal wees omBrandstofkostes laag te hou] asook 4×4 voertuie, want soos genoem, daar is rowwe terreine wat ons ook moet deur. Ons gaan meestal in tente bly [bring een saam, asb.] en kampeer. M.a.w. – ons gaan sover moontlik selfversorgend wees.

Wat nog
Geen uitreik kan ten uitvoer kom sonder: (a) gebedsdekking (b) fondse (c) mense wat bereid is om te gaan nie. Ek is seker daar is nog wat u ook aan kan dink, maar bogenoemde is die kern.
Ons vra, nee wag, pleit dus elkeen se voorbidding en gebedsdekking vir hierdie uitreik, asook u bydraes:
• Dat daar genoeg mense sal wees wat hand opsteek om hierdie uitreik mee te maak.
• Dat die harte van die mense wat bereik gaan word deur Die Heilige Gees voorberei sal wees op ons koms.
• Dat daar genoeg fondse sal inkom om hierdie uitreik moontlik te maak.
• Dat die harte van die wat op die uitreik gaan, ook aangeraak sal word en elkeen met ‘n hart vol vreugde sal terugkom.
• Dat die Evangelie uitgedra sal word en ons die mense en plekke bereik waar HY dit Wil.
• Bowenal – dat hierdie uitreik in Jesus se Naam geskied en nie in die van mense nie.

Adminsitrasie – jy benodig die volgende
1 Geldige rybewys en op datum.
NB As jy ‘n sleepwa gaan sleep, maak seker of die ”hulp-drywer” ook die regte kode lisensie het.
2 SA Paspoort wat vir nog minstens 6 (ses) maande geldig is of nog ses oop bladsye het. (As jy nie ‘n paspoort het nie of nie een wil bekom nie, is dit nie ‘n krisis nie. Die dag of wat, wat die groep oorgrens gaan kan diegene sonder paspoorte rustig by ‘A Recks’ Gastehuis deurbring. Mens kuier baie lekker daar. En ja, daar is kreef ?.)
3 Reisversekering, nie onderhandelbaar nie. Almal gaan reisversekering hê. Maak asseblief seker dat dit ‘CAS EVAC’ oftewel noodvervoer met vliegtuig/helikopter insluit. (Ons neem gewoonlik die ”GOUD” opsie van AIG deur ons plaaslike AA-kantoor uit. Die keuse berus by jou).
4 ‘n Volledige samevatting van enige mediesetoestande en allergieë wat jy en jou gesin mag hê, per individu opgestel, asook jou dokter se kontakbesonderhede daarop, in ‘n duidelik gemerkte koevert. (Dit word by die Noodhulpstel gehou en slegs oopgemaak indien dit WERKLIK nodig is. Toestande soos ASMA maak net goeie sin as die hele groep weet daarvan sodat ons na mekaar kan omsien.) Veral allergieë/intollerasie (bv. Dwergie het ‘n intolleransie vir knoffel – moenie knoffel in kos gooi wat sy dalk gaan eet nie). (En so mag elkeen iets anders hê).
5 Jou voertug en sleepwa se registrasiedokumente (asook ‘n gewaarmerkte stel afskrifte daarvan) en ook bewys van versekering.
(As die voertuig nog onder finansiering is sal die dokumente by die Bank of Finansieringsinstansie wees – doen dan so gou moontlik aansoek vir ‘n magtigingsbrief/grensbrief om met die voertuig (en sleepwa) oor die landsgrense te gaan, beide Botswana en Namibië).

Bevestig asseblief teen 12 Maart 2013 of jy en/of jy en jou gesin met hierdie uitreik saamgaan,
of jy/julle passassiers gaan wees en
of jy ‘n voertuig kan beskikbaar stel (ons benodig 4×4’s en Kombi’s of bussies).

Vir diegene wat wil saamgaan:
Stuur ‘n e-pos na NGKPO.admin@Telkomsa.net . Voltooi onderstaande vormpies asseblief en handig dit in by die Kerkkantoor, óf e-pos dit sommer direk aan: NGKPO.admin@Telkomsa.net en Cc: vir Mac by: Outreach2Africa@gmail.com

# Van en Voorletters Noemnaam Ouderdom E-pos Telefoon Selfoon Tipe Voertuig
1
2
3
4
5
*Lys asseblief elkeen in jou gesin wat saamgaan per reëltjie. Indien jy alleen saamgaan en passasier gaan wees saam met ons wat voertuie voorsien, meld dan onder “Voertuig” net “passasier”.

Die volgende is ook uiters belangrik, asseblief
Dit is die kontakbesonderhede van jou naasbestaandes, familie of vriende wat gekontak word in geval van nood. [Jou Leraar / Dominee / Pastoor op die laaste reëltjie, asseblief].

My Noodkontaklys is:
# Naam en Van Verwantskap Telefoon Selfoon Straatadres Naaste SAPD
1
2
3

My Gebedsgroeplede is:
# Naam en Van E-posadres Selfoonnommer
1
2
3

Gaan lees gerus meer oor die Richtersveld
First a Conservancy: While many people already know about the Richtersveld National Park, more and more people are catching on about its equally large southern neighbour, the Richtersveld Community Conservancy.

10 years ago, the historically disadvantaged people of the Richtersveld united, reclaimed title to their traditional land, and set aside this conservancy to be forever conserved for research and tourism. It offers some of southern Africa’s finest hiking, 4×4 driving, camping and cultural experiences.

Now a World Heritage site: The Richtersveld Community Conservancy is also the last refuge of Nama people living what is known as the transhumance lifestyle – to migrate seasonally with their livestock from mountains to the river and so make sustainable use of the fragile succulent ecosystem. In recognition of this vanishing lifestyle, and of the rare botanical diversity it helps protect, the Conservancy has been declared the core of a new World Heritage Site.

http://www.richtersveld-conservancy.org/
Information Offices: Tel Khuboes: 027 8312013 | Tel Eksteenfontein: 027 8517108 | info@richtersveldwhs.org

http://www.nature-reserve.co.za/richtersveld-wildlife-preserve.html
http://www.richtersveld.net/index.php/site/

http://www.richtersveld.gov.za/ Richtersveld Municipality consists of the following towns:
Port Nolloth (Head Office) Tel: (027) 851 1111
Faks: (027) 851 1101 / E-mail: info@richtersveld.gov.za
Kuboes Tel/Fax: (027) 831 2375 / E-mail: kuboes@lantic.net
Sanddrift Tel/fax: (027) 831 1457 / E-mail: sanddrift@lantic.net
Eksteenfontein Tel:/Fax: (027) 851 8619 / E-mail: eksteenfontein@lantic.net
Lekkersing Tel: (027) 851 8580 Fax: (027) 851 7097 / E-mail: lekkersing@lantic.net